Ministrja e Administratës Publike dhe Vetëqeverisjes Lokale në Qeverinë e Serbisë, Snezhana Paunoviq, ka bërë një deklaratë skandaloze gjatë një interviste për median serbe Kurir, duke shkaktuar reagime të shumta. Ajo deklaroi: “Për të metat dhe budallallëkun tonë, nëse do të kisha qenë e lirë si Millosheviqi, do ta kisha spastruar etnikisht Kosovën në vitin 1998”. Kjo deklaratë është shpërndarë gjerësisht në rrjetet sociale dhe ka ngjallur reagime të forta, pasi i referohet periudhës së luftës në Kosovë gjatë viteve 1998–1999, kur forcat serbe kryen krime ndaj popullsisë civile shqiptare dhe mbi një milion shqiptarë u dëbuan me forcë nga shtëpitë e tyre./KP