Kryetari i Kuvendit të Maqedonisë së Veriut, Afrim Gashi, zhvilloi një takim pune me u.d. të Ambasadores së Shteteve të Bashkuara të Amerikës, Nicole Varnes, ku në fokus ishte bashkëpunimi dypalësh dhe mbështetja për proceset demokratike në vend. Gjatë takimit u rikonfirmua partneriteti i fuqishëm dhe miqësia e qëndrueshme ndërmjet dy vendeve, me theks të veçantë në forcimin e institucioneve demokratike, rolin e Kuvendit dhe avancimin e proceseve reformuese. Gashi vlerësoi se Shtetet e Bashkuara mbeten një partner i çmuar dhe një mbështetës i rëndësishëm për Maqedoninë e Veriut në rrugën drejt zhvillimit demokratik dhe integrimit euroatlantik.