Fituesja e edicionit të fundit të “Big Brother VIP Albania”, Selin Bollati, ka treguar përmes një postimi në Instagram një zakon që e ndjek prej vitesh dhe që lidhet me bamirësinë. Në një “story”, Bollati publikoi pyetjen e një ndjekësi, i cili e pyeste se çfarë bën me rrobat që nuk i përdor më. “I dërgoj në xhami. Madje nesër duhen dorëzuar”, është përgjigjur ajo. Selin sqaroi se kjo është një nga pyetjet që i drejtohet më shpesh nga ndjekësit e saj. Ajo tha se, edhe pse në raste të veçanta u ka dhuruar veshje vajzave që i kanë shkruar në mesazhe private, prej vitesh pjesën më të madhe të rrobave i dërgon në xhami, me qëllim që ato të shpërndahen te personat në nevojë. Sipas saj, ky është një zakon që e ka pasur shumë përpara pjesëmarrjes në “Big Brother VIP Albania” dhe që vazhdon ta ndjekë edhe sot.