Një aksident me pasojë vdekjen ka ndodhur pasditen e sotme në kryeqytet.

Sikurse njofton policia, mjeti me drejtues shtetasin me iniciale K.D., 23 vjeç, ka aksidentuar këmbësorin 71-vjeçar me iniciale GJ.L, pranë Institutit Bujqësor.

Si pasojë e plagëve të marra, i moshuari ka ndërruar jetë në spital, kurse drejtuesi i mjetit është shoqëruar në ambientet e Komisariatit Nr.3 për veprime të metejshme.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes./Opinion.al