Tre persona janë arrestuar në Shkup, pasi dyshohen se kanë tentuar të sigurojnë kredi bankare duke përdorur dokumente të falsifikuara dhe të dhëna personale të keqpërdorura. Bëhet fjalë për I.T. (45), S.T. (21) dhe P.P. (29), të gjithë nga Shkupi. Sipas Ministrisë së Punëve të Brendshme, arrestimi është kryer më 29 korrik nga zyrtarët e SPB Shkup, Njësia për Krim Ekonomik dhe Krim Kompjuterik, në kuadër të hetimeve për rastin. Tre të dyshuarit përballen me dyshime për veprat penale “falsifikim i dokumentit” dhe “keqpërdorim i të dhënave personale”, pasi dyshohet se kanë tentuar të përfitojnë kredi bankare përmes dokumentacionit të falsifikuar. Autoritetet kanë nisur procedurat përkatëse, ndërsa hetimet vijojnë për zbardhjen e plotë të rastit.