Armand Duka, president i Federatës Shqiptare të Futbollit dhe njëkohësisht zv.president i UEFA-s, ka reaguar pas tërheqjes së FIFA-s nga plani për shitjen e një pjese të të drejtave të saj tek investitorë privatë. Duka e ka mirëpritur vendimin, por ka theksuar se zhvillimet e fundit kanë ngritur pikëpyetje serioze mbi integritetin, transparencën, llogaridhënien dhe mënyrën e qeverisjes së futbollit. Ai ka deklaruar se vendimet që ndikojnë në të ardhmen dhe qeverisjen e sportit duhet të bazohen gjithmonë në standarde të larta transparence dhe përgjegjshmërie institucionale. Duka ka shprehur mbështetjen e tij të plotë për qëndrimin e UEFA-s, duke theksuar se do të bashkëpunojë me drejtuesit e federatave kombëtare për të nxjerrë mësime nga kjo situatë dhe për të krijuar mekanizma që parandalojnë raste të ngjashme në të ardhmen. Sipas Dukës, përgjegjësia e përbashkët e institucioneve të futbollit është të mbrojnë vlerat e këtij sporti dhe të sigurojnë që ai të qeveriset me integritet, transparencë dhe në interesin më të mirë të lojës dhe të gjithë komunitetit të futbollit.