Drejtoresha e Qendrës Analitike Hulumtuese “Abdilaqim Ademi”, Fatjona Geci, priti në ambientet e institucionit deputetet e BDI-së, Dijana Toska, Arbana Pasholli dhe Rina Ajdari, të cilat e uruan për detyrën e re dhe i shprehën mbështetjen për angazhimin e saj.

Vizita u shndërrua në një mesazh solidariteti dhe bashkëpunimi mes grave në politikë, duke vënë në pah rëndësinë e mbështetjes së ndërsjellë dhe të rritjes së rolit të gruas në proceset vendimmarrëse.

“Kur gratë në politikë mbështesin njëra-tjetrën, forcohen bashkëpunimi, solidariteti dhe vizioni për të ardhmen”, është mesazhi që përcjell këtë takim.

Geci shprehu mirënjohjen për vizitën dhe përkrahjen e deputeteve, duke theksuar rëndësinë e bashkëpunimit në zhvillimin e ideve dhe politikave që u përgjigjen nevojave të qytetarëve.

Qendra Analitike Hulumtuese “Abdilaqim Ademi” synon të forcojë bashkëpunimin dhe të kontribuojë në zhvillimin e politikave përmes analizës, ideve dhe dialogut, ndërsa mbështetja mes grave shihet si një element i rëndësishëm për avancimin e përfaqësimit të tyre në jetën publike.