Bashkësia Fetare Islame (BFI) njoftoi se edhe sivjet nuk do të ketë haxh për besimtarët myslimanë nga Maqedonia e Veriut.

“Duke marrë parasysh dëshirën tuaj të flaktë për të kryer Haxhin – kushtin e pestë të Islamit – me keqardhje ju informojmë për lajmin që na ka arritur nga Ministria e Haxhit të Arabisë Saudite se edhe këtë vit nuk do mund të kryhet dhe të organizohet Haxhi”, thuhet në njoftimin e BFI-së.

Ata shtojnë se gjendja e jashtëzakonshme që po vazhdon nga coronavirusi bën që Arabia Saudite të mos ketë mundësi t’i hap kufijtë dhe të mundësojë kryerjen e Haxhit me qëllim sigurinë dhe ruajtjen e shëndetit të besimtarëve.

“Mbesim me shpresë, që kjo sëmundje të ketë fundin e vet dhe inshallah viteve të ardhshme të vazhdojë kryerja e këtij obligimi fetar”, thuhet në fund të njoftimit.