Nga dita e djeshme filloi shpërndarja e vaksinave “Sinovac” në të gjitha qendrat për imunizim dhe vaksinim masiv në Maqedoninë e Veriut.

Ministri i Shëndetësisë, Venko Filipçe deklaroi se janë krijuar kushte për dinamikën e dhënies së dozës së parë të vaksinës deri në 15 mijë qytetarë në ditë, ndërsa nga 15 ose 20 korriku është paraparë të fillojë edhe vaksinimi në terren.

Ndryshe, vaksinimi në Maqedoni janë vaksinuar 310.384 qytetarë dhe deri tani janë aplikuar 529.445 doza, ndërsa 219.061 qytetarë janë rivaksinuar.

Sipas të dhënave të fundit, 52% e popullsisë mbi moshën 70 vjeç kanë marrë të paktën një dozë vaksine, 49%e popullsisë mbi moshën 65 vjeç kanë marrë të paktën një dozë vaksine si dhe 48% e popullatës mbi 60 vjet është vaksinuar me të paktën një dozë./Telegrafi/