VMRO-DPMNE-ja ka opozitare ka shprehur ngushëllime për familjet e viktimave nga tragjedia në Kovid-Qendrën në Tetovë, transmeton Alsat. Nga kjo parti kërkojnë hetim të detajuar dhe përgjegjësi për rasti në fjalë.

“Shprehim ngushëllimet tona më të thella për familjet e atyre që vdiqën në tragjedinë e tmerrshme dhe urojmë shërim sa mnë të shpejtë për të gjithë të lënduarit nga katastrofa e tmerrshme. Në të njëjtën kohë, ne duam të theksojmë se është e rëndësishme që institucionet të hetojnë plotësisht shkaqet dhe të përcaktojnë përgjegjësi”, thuhet në deklaratën e VMRO-DPMNE-së.

Partia opozitare kërkon nga kryeministri Zoran Zaev dhe ministri i Shëndetësisë, Venko Filipçe që të dalin me të dhëna dhe vlerësime të sakta nga situata.

-“Duke kuptuar plotësisht revoltën e qytetarëve dhe banorëve të Tetovës, apelojmë në këto momente të vështira që ministri Venko Filipçe dhe kryeministrin Zoran Zaev të mos fshihen nga publiku dhe të dalin me të dhëna dhe vlerësime të sakta nga situata. 12 orë pas fatkeqësisë, indikacionet fillestare nuk dihen, as numri i sakt i viktimave”, thuhet në deklaratë.