Prokuroria Themelore Publike për Ndjekje të krimit të Organizuar dhe Korrupsionit të martën ka pranuar nga Byroja për Furnizime Publike dokumentacionin e Spitalit Modular në Tetovë, ndërsa dje pas orës 14 është pranuar dokumentacioni edhe nga Ministria për Punë dhe Politikë Sociale, transmeton Alsat.

Kreu i këtij institucioni, Villma Ruskoska tha se sot prokuroria ka nisur shqyrtimin e dokumenteve.

“Mëngjesin e sotëm ka nisur rishikimi i dokumentacioneve dhe nuk kemi detaje konkrete”, tha Ruskoska.

Prokurorja Ruskoska theksoi se Prokuroria për Krim të Organizuar dhe Korrupsion është kompetente vetëm në hetimin e procedurës së prokuro rimit.

“Do të shihet nëse janë respektuar procedurat. Ky prokurorim është realizuar përmes ligjit të posaçëm që ka miratuar Qeveria. Vetëm kjo është kompetencë e jona, asgjë tjetër”, nënvizoi Ruskoska.