Kandidati për kryetar të komunës së Çairit nga koalicioni Aleanca, Alternativa dhe VMRO-DPMNE, Bekim Sali në një intervistë për portalin republika.mk ka thurur elozhe për kandidaten e VMRO-DPMNE-së për kryetare të qytetit të Shkupit, Danella Arsovska duke thënë se ajo është më e mira për Shkupin, shkruan opinionshqip.live

Sali ka thënë se partia e Afrim Gashit dhe ajo e Ziadin Selës do të mbështesin Danella Arsovskën dhe që bashkë do të bëjnë fushatë në terren.

“Kam pasur rastin ta takoj dhe ajo është e madhe në karakter, ajo e do Shkupin, ajo është shumë e sinqertë dhe profesionale. Unë mendoj se ne do të jemi një ekip i madh për të bërë një karrige të re dhe një Shkup të ri”, ka deklaruar Sali.