Kryetari i Partisë Demokratike, Sali Berisha, ka publikuar një mesazh falënderues në rrjetin social Facebook pas takimit të mbrëmshëm përmbyllës elektoral. Ai shprehu mirënjohjen e thellë për pjesëmarrjen masive, duke e cilësuar takimin si madhështor.

Berisha theksoi se rrugëtimi i tij politik ka qenë sfidues, por gjithmonë i mbushur me shpresë dhe besim. Sipas tij, Partia Demokratike sot është më e bashkuar se kurrë më parë. Ai u bëri thirrje qytetarëve që më 11 maj të votojnë për të hapur një kapitull të ri. Mesazhi i tij u mbyll me thirrjen për një “Shqipëri Madhështore”.

Ju falënderoj me mirënjohje të thellë për pjesëmarrjen tuaj në këtë takim madhështor! 
Ky udhëtim ka qenë një rrugë sfiduese, por e mbushur me shpresë dhe besim. 
Sot jemi më të bashkuar se kurrë. 
Tani fjala është e juaja. Më 11 maj me votën tuaj, le të hapim një kapitull të ri drejt “Shqipërisë Madhështore”