Mëngjesin e sotëm në qendër të Shkupit, përballë stacionit policor “Beko”, një llamarinë e shqyer nga një ndërtesë në ndërtim e sipër ra mbi një çiklist i cili po kalonte pranë vendit të aksidentit. Sipas dëshmive të qytetarëve, konstruksioni i llamarinës ishte shkëputur për shkak të erërave të forta.

Çiklisti pësoi lëndime të rënda, dhe Shërbimi i Urgjencës Mjekësore ndërhyri në vendngjarje. Dëshmitarët okularë thonë se personi i lënduar u dërgua menjëherë në spital.  Aktualisht nuk ka asnjë informacion zyrtar nga Ministria e Brendshme në lidhje me shkaqet e aksidentit dhe gjendjen shëndetësore të personit të lënduar.

Ngjarja shkaktoi reagime edhe në rrjetet sociale. Një nga komentet sarkastike të shpërndara thotë: Një fletë metalike që të bie mbi kokë ndërsa shkon në punë me biçikletë? Përvojë urbane.”

Më shumë detaje rreth rastit priten gjatë ditës.