Presidenti amerikan Donald Trump ka deklaruar se Grenlanda përbën një element kyç për sigurinë kombëtare të Shteteve të Bashkuara, duke konfirmuar se diskutimet me NATO-n lidhur me këtë territor janë në vazhdim. Ai theksoi se mungesa e kontrollit mbi Grenlandën do të krijonte një “boshllëk të madh” në sigurinë amerikane, veçanërisht në kontekstin e projekteve strategjike si “Kupola e Artë”.

Trump shtoi se SHBA-të po angazhohen aktivisht me aleancën euroatlantike për këtë çështje dhe nuk përjashtoi përdorimin e tarifave ndaj vendeve që kundërshtojnë interesat amerikane lidhur me Grenlandën.

Deklaratat vijnë pas sugjerimit të tij se SHBA-të duhet ta “blejnë” Grenlandën për të shmangur ndikimin rus ose kinez, propozim që është refuzuar nga Danimarka dhe autoritetet e Grenlandës, të cilat kanë riafirmuar sovranitetin danez mbi territorin. /AA/