Zëvendëskryeministri i Parë i Qeverisë dhe Ministri për Çështje Evropiane, Bekim Sali, do të marrë pjesë në Takimin e Lidershipit që do të mbahet në Davos nga data 19 deri më 22 janar.

Ky forum i rëndësishëm ndërkombëtar do të mbledhë liderë botërorë, ekonomistë, bankierë dhe ekspertë nga fusha të ndryshme, me fokus në diskutimin e sfidave globale dhe zhvillimeve ekonomike ndërkombëtare.

Në kuadër të agjendës, Sali do t’i drejtohet forumit si pjesë e një paneli diskutimi, ku do të trajtohen çështje kyçe si ndryshimet klimatike, konfliktet globale dhe përkujdesja sociale, duke theksuar rëndësinë e bashkëpunimit ndërkombëtar në përballimin e këtyre sfidave.