Kryeministri i Kosovës, Albin Kurti, ka zhvilluar në Davos takimin e tij të parë me ministrin e Promovimit të Eksportit, Tregtisë Ndërkombëtare dhe Zhvillimit Ekonomik të Kanadasë, Maninder Sidhu. Gjatë këtij takimi u diskutua për mundësitë e forcimit të mëtejshëm të marrëdhënieve tregtare mes dy vendeve, me theks të veçantë në sektorin e teknologjisë dhe industrinë e minierave.

Kurti vlerësoi Kanadanë si një nga aleatët e hershëm dhe të qëndrueshëm të Kosovës, duke shprehur mirënjohje për kontributin e çmuar dhe mbështetjen e vazhdueshme të shtetit kanadez dhe popullit të tij ndaj Kosovës.