UEFA ka publikuar çiftet e fazës së 1/8-ve të UEFA Europa Conference League, duke qartësuar rrugën e skuadrave drejt finales së madhe që do të zhvillohet në Leipzig më 27 maj.

Në mesin e përballjeve më të komentuara spikat dueli mes Fiorentina dhe Rakow Czestochowa, një përballje që pritet të ofrojë intensitet dhe rivalitet të lartë. Po aq interes ngjall edhe takimi mes Crystal Palace dhe AEK Larnaca, me të dy skuadrat që synojnë një hap të madh drejt çerekfinaleve.

Një tjetër duel që pritet me kureshtje është ai ndërmjet Samsunspor dhe Rayo Vallecano, ndërsa Rijeka do të përballet me Strasbourg në një sfidë të hapur për çdo rezultat.

Ndërkohë, AEK Athens do të masë forcat me skuadrën sllovene NK Celje, në një tjetër përballje që premton emocione.

Ndeshjet e para të kësaj faze do të zhvillohen më 12 mars, ndërsa takimet e kthimit, që do të përcaktojnë skuadrat çerekfinaliste, do të luhen më 19 mars.