Një tërmet me intensitet prej tre ballë sipas Shkallës Evropiane Makroseizmike është ndjerë sot në mëngjes në Gostivar dhe zonat përreth, në orën 5:21.

Sipas të dhënave zyrtare, epiqendra e lëkundjes sizmike ka qenë në rajonin epiqendror Tetovë–Gostivar, rreth 45 kilometra në perëndim të Shkupit. Magnituda lokale e tërmetit ka qenë 2.2 sipas shkallës Rihter.

Opservatoriumi Sizmologjik në kuadër të Fakultetit Matematiko-Natyror në Shkup informon se bëhet fjalë për një tërmet me intensitet të ulët, i cili është ndjerë nga banorët, por pa raportime për dëme materiale.

Autoritetet theksojnë se lëkundje të tilla janë të zakonshme për këtë rajon, i cili konsiderohet zonë me aktivitet sizmik. Deri më tani nuk ka informacione për pasoja apo shqetësime serioze në terren.