Lajme të këqija vijnë nga Sivasspor ku sulmuesi shqiptar, Rey Manaj, pësoi një dëmtim të rëndë gjatë ndeshjes ndaj Umraniyespor, duke u tërhequr nga fusha pas vetëm shtatë minutash lojë.

Klubi turk bëri të ditur në një komunikatë se “Lojtari ynë është dëmtuar në pjesën e pasme të kofshës së majtë. Si rezultat i ekzaminimit me rezonancë të kryer sot, është konstatuar një çarje e tendinit brenda muskulit të gradës 3c dhe gjakderdhje në pjesën e pasme të kofshës së majtë”.

Ky dëmtim do të bëjë që Manaj të mos jetë i gatshëm për ndeshjen e 26 marsit me Poloni për fazën e play-offit të Botërorit 2026 dhe me shumë gjasa mund të mbyllë sezonin për Sivasspor. Sulmuesi ishte rikthyer te klubi në merkaton e janarit, por për shkak të problemeve fizike nuk ishte aktivizuar në ndeshjen ndaj Hatayspor. Vendimi për ta futur në fushë të dielën rezultoi i nxituar dhe i gabuar.