Gjykata Kushtetuese e Kosovës ka marrë vendim lidhur me procesin e zgjedhjes së presidentit, duke i dhënë Kuvendit një afat të përcaktuar për përfundimin e kësaj procedure.

Sipas aktgjykimit, deputetët kanë në dispozicion 34 ditë nga hyrja në fuqi e vendimit për të zhvilluar dhe përmbyllur zgjedhjen e presidentit të ri të vendit. Në vendim thuhet se, deputetët e Kuvendit të Republikës së Kosovës kanë tridhjetë e katër ditë për të përfunduar procedurën e zgjedhjes së Presidentit të Republikës së Kosovës.

Gjykata ka sqaruar gjithashtu se dekreti i presidentes, i datës 6 mars, për shpërndarjen e Kuvendit nuk prodhon efekt juridik.

Aktvendimi hyn në fuqi menjëherë, ndërsa nga ky moment nis edhe rrjedhja e afatit për zgjedhjen e presidentit.