Drejtoresha e Spitalit Gjinekologjik të Çairit, Meral Uzeiri Ferati, ka zhvilluar një takim pune me drejtorin e Institutit për Mjekësi Transfuzive, Amir Elezi, me fokus forcimin e bashkëpunimit ndërinstitucional.

Në këtë takim u diskutua për përmirësimin e shërbimeve shëndetësore dhe rritjen e koordinimit në fushën e transfuzionit të gjakut, me qëllim ofrimin e kujdesit më cilësor për pacientet.

Të dy drejtuesit vlerësuan rëndësinë e bashkëpunimit mes institucioneve, duke theksuar se një koordinim më i ngushtë ndikon drejtpërdrejt në rritjen e sigurisë dhe cilësisë së shërbimeve për qytetarët.

Spitali Gjinekologjik në Çair vijon të synojë avancimin e standardeve dhe efikasitetit në shërbimet që ofron.