Futbollistët e Kombëtares shqiptare po vijojnë të kenë ndikim të rëndësishëm në kampionatet europiane dhe në atë amerikan, në një fazë vendimtare të sezonit ku paraqitjet e tyre kanë spikatur.

Kristjan Asllani u tregua i saktë nga pika e bardhë e penalltisë në ndeshjen e Beshiktashit ndaj Samsunsporit, duke kontribuar në ngushtimin e diferencës për skuadrën e tij.

Në kampionatin rus, Nazmi Gripshi u dallua me një asist në ndeshjen e Rubin Kazanit, duke ndihmuar skuadrën të kalojë përkohësisht në avantazh. Pavarësisht barazimit në fund, ai u vlerësua si “Lojtari i Ndeshjes”.

Në Shtetet e Bashkuara, në MLS, Myrto Uzuni vazhdon të jetë një element kyç për Austin, duke regjistruar një asist në përballjen ndaj Torontos.

Në ndeshjet e fundit, disa lojtarë të Kombëtares shqiptare janë aktivizuar si titullarë, përfshirë Strakoshën, Gjimshitin, Asllanin, Laçin, Shehun, Gripshin dhe Dakun, ndërsa nga stoli kanë dhënë kontribut Mitaj, Pilo, Broja dhe Hysaj.