Zëvendësministrja Kaltrina Zekolli Shaqiri ka deklaruar se studentët do të kenë mundësi ta japin provimin e jurisprudencës në gjuhën shqipe, duke iu përgjigjur kërkesave të tyre të vazhdueshme.

Gjatë një paraqitjeje në emisionin “Debat në Shenja”, ajo theksoi se institucionet janë duke punuar për të gjetur një zgjidhje konkrete për këtë çështje. “Kemi bërë një grup që po merret me këtë çështje, dhe studentët do ta japin provimin në gjuhën shqipe, pa dyshim këtë e them, jo vetëm këtë të jurisprudencës por më shumë”, u shpreh ajo.

Sipas saj, ndryshime të ngjashme janë bërë edhe në institucione të tjera. “Në ministrinë për punë dhe politikë sociale edhe aty ishte në gjuhën maqedonase. Me ardhjen e VLEN-it, provimet profesionale tani jepen në gjuhën shqipe”, deklaroi Shaqiri.

Kjo nismë shihet si një hap drejt avancimit të të drejtave gjuhësore për studentët shqiptarë në vend.