Në Shqipëri është zhvilluar një fluturim demonstrativ me pjesëmarrjen e Ambasadorit të Shteteve të Bashkuara në NATO, Matthew Whitaker, dhe Ministrit të Mbrojtjes së Shqipërisë, Ermal Nufi.

Sipas një njoftimi të Ambasadës Amerikane në Tiranë në Facebook, gjatë fluturimit në një bazë ushtarake të rinovuar me fonde të NATO-s, palët kanë diskutuar për mundësinë që Shqipëria të forcojë rolin e saj si nyje logjistike e Aleancës në rajon.

Në bisedime është theksuar rëndësia e investimeve në mbrojtje dhe zhvillimi i Korridorit VIII si faktorë kyç për rritjen e sigurisë rajonale dhe forcimin e kapaciteteve strategjike brenda NATO-s, raporton Klankosova.tv.