Kosova pritet të shkojë në zgjedhje të parakohshme parlamentare, pas dështimit për zgjedhjen e Presidentit të ri brenda afatit kushtetues, duke thelluar krizën politike në vend.

Komisioni Qendror i Zgjedhjeve i Kosovës ka në dispozicion pak më shumë se një muaj për organizimin e procesit zgjedhor, i cili vjen pas shpërndarjes automatike të Kuvendit.

Sipas të dhënave, zgjedhjet e reja janë të tretat brenda rreth një viti e gjysmë, duke reflektuar paqëndrueshmërinë institucionale që ka përfshirë vendin.

Kriza u thellua pasi Kuvendi nuk arriti të zgjedhë presidentin e ri, ndërsa mandati i Vjosa Osmani përfundoi në fillim të prillit. Pavarësisht negociatave politike, kryeministri Albin Kurti dhe partitë opozitare nuk arritën marrëveshje për emrin e ri të kreut të shtetit.

Sipas hulumtuesit të Institutit të Kosovës për Drejtësi, Melos Kolshi, dy datat e mundshme për mbajtjen e zgjedhjeve janë 31 maji dhe 7 qershori, në përputhje me procedurat ligjore pas shpërndarjes së Kuvendit më 28 prill.

Burimi: Radio Evropa e Lirë