Endrit Thaçi ka reaguar në rrjetet sociale në prag të shpalljes së aktgjykimit ndaj ish-krerëve të UÇK-së, Hashim Thaçit, Kadri Veselit, Jakup Krasniqit dhe Rexhep Selimit. Ai publikoi në Instagram një fotografi me babanë e tij, Hashim Thaçin, të shoqëruar me një mesazh prekës. “Ka ditë që kalojnë ngadalë kur pret dikë që e do. Por, tani çdo ditë po na ofron më pranë rikthimit tuaj. Me krenari ju presim. Kosova ju pret”, shkroi Endrit Thaçi në Instastory. Reagimi i tij vjen vetëm pak ditë para shpalljes së aktgjykimit ndaj ish-drejtuesve të UÇK-së, një proces që po ndiqet me interes të madh nga opinioni publik në Kosovë dhe më gjerë.