Kryetari i Komunës së Prishtinës, Përparim Rama, ka ndarë përshtypjet nga mbrëmja e organizuar në sheshin “Skënderbeu”, ku vazhdoi tradita e koncerteve kushtuar muzikës shqiptare dhe artistëve që kanë lënë gjurmë në kulturën tonë.

Rama theksoi se atmosfera u karakterizua nga dashnia, pozitiviteti, bashkimi, vlerat dhe mirënjohja, duke e cilësuar këtë si një tjetër mbrëmje të veçantë për kryeqytetin.

“Sonte, në sheshin ‘Skënderbeu’, tradita e koncertit vazhdoi rrugëtimin e saj, duke sjellë një mbrëmje kushtuar muzikës dhe artistëve që kanë lënë gjurmë në kulturën tonë. Dashni, pozitivitet, bashkë, vlera dhe mirënjohje. Të pafsha gjithmonë kështu Prishtinë”, ka shkruar Rama.