Të paktën 920 persona kanë humbur jetën, ndërsa rreth 50 mijë të tjerë raportohen të zhdukur pas dy tërmeteve të fuqishme me magnitudë 7.2 dhe 7.5 ballë që goditën Venezuelën. Zona më e goditur është La Guaria, pranë kryeqytetit Karakas, ku qindra ndërtesa janë shembur dhe dhjetëra persona dyshohet se ndodhen ende nën rrënoja.

Situata mbetet kritike, pasi lëkundjet sizmike vazhdojnë. Vetëm gjatë mbrëmjes së të premtes janë regjistruar edhe 214 tërmete me magnitudë më të ulët, duke vështirësuar operacionet e kërkim-shpëtimit.

Për të tretën ditë me radhë, ekipet e emergjencës, të mbështetura edhe nga specialistë ndërkombëtarë, vijojnë kërkimet për të mbijetuar. Në terren ndodhen edhe ekspertë nga 14 shërbime zjarrfikëse britanike, ndërsa spitalet janë të mbingarkuara nga numri i madh i të plagosurve dhe mijëra banorë të mbetur pa strehë po kërkojnë ndihmë.