Bashkëkryetari i VLEN-it, Izet Mexhiti, njoftoi se VLEN do të drejtojë tri ministri strategjike: Drejtësinë, Marrëdhëniet Ndërmjet Bashkësive dhe Kulturën, duke e cilësuar këtë si një hap të rëndësishëm për avancimin e pozitës së shqiptarëve në Maqedoninë e Veriut. Ai tha se, në 25-vjetorin e Marrëveshjes së Ohrit, ky rikonfigurim shënon hapjen e një kapitulli të ri të qeverisjes, të bazuar në barazi, drejtësi dhe përgjegjësi. Sipas Mexhitit, konsolidimi i VLEN-it në Qeveri do të sjellë më shumë unitet në vendimmarrje, mbrojtje më efikase të interesave të shqiptarëve dhe përmbushje të zotimeve ndaj qytetarëve.