Në Qeverinë e Maqedonisë së Veriut u zhvillua një takim me Komisioneren për Zgjerim të Bashkimit Evropian, Marta Kos, ku u theksua partneriteti i fuqishëm mes vendit dhe Bashkimit Evropian, si dhe përkushtimi për vazhdimin e reformave në kuadër të procesit të integrimit evropian. Gjatë takimit u vlerësua se integrimi në Bashkimin Evropian mbetet një prioritet strategjik për shtetin. Sipas pjesëmarrësve, ky proces përfaqëson një angazhim të përbashkët për ndërtimin e institucioneve më funksionale, forcimin e shtetit dhe krijimin e një të ardhmeje më të sigurt e më të begatë për të gjithë qytetarët.