Sot, në Komunën e Vrapçishtit u zhvillua një takim me zëvendësministren e Transportit dhe Lidhjeve, Kaltrina Zekolli Shaqiri, ku në fokus ishin projektet e realizuara dhe ato që janë aktualisht në proces zbatimi në këtë komunë. Gjatë takimit u diskutua për ecurinë e investimeve, ndërsa më pas u zhvillua edhe një vizitë në terren, ku u panë nga afër projektet e përfunduara dhe punimet që vijojnë. Bashkëpunimi dhe koordinimi me institucionet qendrore u vlerësuan si të rëndësishëm për realizimin e projekteve zhvillimore dhe përmirësimin e infrastrukturës në shërbim të qytetarëve.