Agjencitë amerikane të inteligjencës po hetojnë nëse Rusia ka ndihmuar Iranin në sulmet me dronë ndaj objekteve të CIA-s në rajonin e Gjirit, duke ofruar të dhëna për objektivat ose teknologji të avancuar. Sipas Reuters, të paktën dy objekte u goditën në mars, një në kompleksin e Ambasadës së SHBA-së në Riad dhe një tjetër në Irakun lindor. Burime perëndimore dyshojnë se në sulmin ndaj objektit në Riad mund të jenë përdorur dronë Shahed të përmirësuar me teknologji ruse. Hetuesit amerikanë po shqyrtojnë edhe mundësinë e përdorimit të të dhënave ruse për përcaktimin e objektivave, ndërsa përfshirja e Moskës nuk është konfirmuar përfundimisht. Sipas një burimi, Rusia mund të ketë ndihmuar në rritjen e saktësisë së dronëve Shahed-136 përmes sistemit të navigimit satelitor Kometa-M, pretendim që Kremlini e ka mohuar. Ish-shefi i CIA-s, Daniel Hoffman, tha se një bashkëpunim i tillë do të ishte në përputhje me partneritetin strategjik mes Rusisë dhe Iranit