Ministri në detyrë i Infrastrukturës, Dimal Basha, ka publikuar pamje nga punimet në rrugën Prizren–Tetovë, duke e cilësuar projektin si të rëndësishëm për lidhjen ndërmjet Kosovës dhe Maqedonisë së Veriut. “Mirëmëngjesi nga Malet e Sharrit, ku po punohet në rrugën Prizren–Tetovë”, ka shkruar Basha, ndërsa ka theksuar se projekti synon të sjellë “rrugë të reja, lidhje të reja, si dhe mundësi të reja” për qytetarët në të dyja anët e kufirit. Për projektin, më herët është bërë e ditur se parashikohen studime për fazat e ardhshme të realizimit.