Banka Qendrore Europiane ka prezantuar dhjetë propozime për dizajnin e serisë së ardhshme të kartëmonedhave euro, në një proces ridizenjimi që synon t’i bëjë ato më të sigurta, më të aksesueshme dhe më miqësore me mjedisin. Modelet e përzgjedhura janë ndarë në dy tema kryesore, “Kultura europiane” dhe “Lumenjtë dhe zogjtë”. Në propozimet e temës së parë përfshihen figura të njohura të kulturës europiane, ndërsa seria tjetër fokusohet te natyra, lumenjtë dhe shpendët e kontinentit. BQE ka hapur një konsultim publik, ku të gjithë europianët mund të shprehin preferencën e tyre për modelet e propozuara deri më 21 shtator 2026. Këshilli Drejtues i BQE-së pritet të marrë vendimin përfundimtar për dizajnin rreth fundit të vitit 2026, duke marrë parasysh edhe opinionin e publikut. Kartëmonedhat e reja do të pajisen me elemente të avancuara sigurie dhe do të përmirësohen për t’u përdorur më lehtë nga personat me dëmtime në shikim. Megjithatë, ato nuk do të hyjnë menjëherë në qarkullim, pasi pas përzgjedhjes së dizajnit do të nisë procesi i zhvillimit dhe prodhimit, i cili do të zgjasë disa vite.