Një tërmet i fuqishëm me magnitudë 7.4 ka tronditur pjesën perëndimore të Kolumbisë, duke shkaktuar të paktën 20 viktima dhe dëme të konsiderueshme në disa qytete. Sipas Shërbimit Gjeologjik të SHBA-së (USGS), epiqendra e lëkundjeve ishte rreth 5 kilometra në lindje të San José del Palmar, në departamentin Chocó. Lëkundjet e forta u ndjenë në një zonë të gjerë, ndërsa banorët u larguan nga ndërtesat për t’u vendosur në hapësira të hapura. Në qytetin Pereira janë raportuar 18 viktima, ndërsa dy viktima të tjera janë konfirmuar në Manizales. Raportimet e fundit flasin edhe për persona të lënduar dhe ndërtesa të dëmtuara apo të shembura. Epiqendra ndodhet rreth 400 kilometra në perëndim të Bogotás. Autoritetet dhe ekipet e emergjencave vijojnë vlerësimin e dëmeve dhe operacionet e kërkim-shpëtimit, ndërsa pritet që bilanci i viktimave dhe dëmeve të ndryshojë me daljen e informacioneve të reja.