Në universitetet në vend sot nis viti i ri akademik 2026/2027, me organizimin e orës së parë akademike.

Në Maqedoninë e Veriut funksionojnë rreth 20 universitete, ndërsa në studimet universitare çdo vit janë të regjistruar rreth 53.500 studentë. Prej tyre, 46.925 janë studentë të rregullt, ndërsa rreth 6.600 ndjekin studimet me korrespondencë.

Këtë vit, rreth 13.800 studentë të rinj janë regjistruar për herë të parë në vitin e parë të studimeve.

Në Universitetin “Shën Kirili dhe Metodi” në Shkup, ora e parë akademike do të mbahet në pllajën e Universitetit, duke filluar nga ora 10:00.

Është paralajmëruar program festiv me fjalime zyrtare, program kulturor dhe artistik, si dhe sesion informues dhe aktivitete shoqëruese për studentët.