Çështja e ndarjes së plazheve për shfrytëzim gjatë sezonit turistik është një ndër problematikat kryesore të këtij fillimsezoni, gjë që kulmoi me një konflikt të armatosur në zonën e Velipojës që përfundoi me 4 viktima.

Ditën e mërkurë, policia ka zbarkuar në plazhet kryesore në Durrës, Zvërnec dhe Velipojë për të verifikuar dokumentacionin e personave që shfrytëzojnë plazhet.

Dokumentacioni po verifikohet një më një dhe për personat që operojnë pa leje do të ketë sanksione dhe bllokim të shtretërve të plazhit.

Problematika për ndarjen e plazheve këtë vit lindi pasi Ministria e Turizmit vendosi që aplikimi të bëhet online përmes portalit e-Albania, por kjo procedurë ka shkaktuar vonesa ndonëse sezoni turistik ka nisur. /A2News/