Kryeministrja e Serbisë, Ana Bërnabiq, ka folur pasi u raportua se presidenti serb Aleksandar Vuçiq ndodhet në gjendje jo të mirë shëndetësore.

Bërnabiqi ka thënë se Vuçiqin e ka kapur një grip.

Për mediumin serb “Happy Tv”, Bërnabiqi ka thënë se mendon që pas stresit dhe tensionit që i është shkaktuar Vuçiqit nga situata në veri të Kosovës ai nuk flinte natën.

“Ai nuk po pushon, mund ta them. Do të doja që ai të pushonte edhe pak. Ai është nën një tension të tmerrshëm, natyrisht, për gjithçka që po ndodh në Kosovë dhe Metohi, nuk mendoj se ai me të vërtetë flinte natën. Ai është me grip. Sistemi i tij imunitar u dobësua, natyrisht, nga ato përpjekje dhe nga ai stres”, ka thënë Bërnabiqi.

/Zëri