Më 17 tetor 2025, në Sheshin “Skënderbej” të Tiranës, pritet të mbahet një nga fjalimet më të rëndësishme të kryetarit të BDI-së, Ali Ahmeti. Ky do të jetë fjalimi i tij i parë në qendër të Tiranës, në një ngjarje që vlerësohet si historike për veprimtarinë e tij politike e kombëtare.

Pas fjalimeve të bujshme në Shkup dhe Prishtinë, ku Ahmeti ka mbrojtur me forcë rolin dhe vlerat e Ushtrisë Çlirimtare të Kosovës, ai tashmë do të ngjitet në tribunën e kryeqytetit shqiptar për të përcjellë mesazhin e tij politik dhe kombëtar.

Kujtojmë këtu që Ali Ahmeti, mban edhe titullin “Qytetar Nderi” i Tiranës, ndërsa pritjet për këtë fjalim janë të mëdha në mbarë hapësirën shqiptare.