Vendi po hyn në një fazë të re të motit të paqëndrueshëm, me vranësira dhe reshje të herëpashershme shiu, të cilat në disa zona do të jenë më intensive. Sipas paralajmërimeve të DPHM-së, në viset malore reshjet do të jenë në formë dëbore.

Në fillim të javës së ardhshme pritet depërtimi i masave më të ftohta ajrore nga veriu, të shoqëruara me erë të përforcuar nga drejtimi verior. Rënia e temperaturave do të ndikojë që reshjet e shiut gradualisht të shndërrohen në dëborë, jo vetëm në male, por edhe në disa zona më të larta të vendit.

Autoritetet apelojnë për kujdes të shtuar në komunikacion dhe ndjekje të vazhdueshme të parashikimeve meteorologjike.