Në Uashington po zhvillohet takimi inaugurues i Bordit të Paqes, një forum i nivelit të lartë ku po diskutohet për zhvillimet e fundit të sigurisë ndërkombëtare dhe angazhimet e mundshme në zona konflikti.

Gjatë fjalës së tij, gjenerali amerikan Jasper Jeffers III prezantoi planin ushtarak që pritet të zbatohet në terrenin e Gaza Strip.

Sipas tij, ndër pesë vendet e para që do të angazhonin trupa ushtarakë në terren për operacionin e planifikuar përmenden edhe Shqipëria dhe Kosova, duke i vendosur dy shtetet shqiptare në një rol të rëndësishëm në këtë iniciativë ndërkombëtare.

Deklarata ka tërhequr vëmendje të gjerë, pasi përfshirja e Shqipërisë dhe Kosovës në një operacion të tillë do të përbënte një hap të ri në angazhimin e tyre në misione ndërkombëtare të sigurisë dhe paqes.

Mbetet të qartësohet në vijim natyra e plotë e misionit dhe modalitetet e pjesëmarrjes së vendeve të përfshira.