Gjermania ka nisur në mënyrë bindëse rrugëtimin e saj në Botëror, duke dominuar debutuesit e Kurasaos me rezultatin 4-1 në sfidën që po zhvillohet në Houston.

Skuadra e drejtuar nga Julian Nagelsmann kaloi në avantazh që në minutën e 6-të me Nmechan, ndërsa Kurasao barazoi përkohësisht në minutën e 21-të me Comenencian. Gjermanët reaguan shpejt dhe rikthyen epërsinë me Schlotterbeck në minutën e 38-të, ndërsa Havertz realizoi nga pika e bardhë e penalltisë në kohën shtesë të pjesës së parë për rezultatin 3-1.

Menjëherë pas rikthimit nga pushimi, Musiala shënoi golin e katërt në minutën e 47-të, duke vulosur dominimin e "Panzerave". Në portën gjermane është rikthyer veterani Manuel Neuer, ndërsa Nagelsmann ka hedhur në fushë formacionin më të mirë që kishte në dispozicion.

Kurasao, që debuton në skenën më të madhe të futbollit ndërkombëtar, synon të lërë gjurmë në paraqitjen e parë historike, por përballë Gjermanisë po has vështirësi të mëdha.