Banorët e Nikaj-Mërturit kanë dalë në protestë, duke kundërshtuar ndërhyrjet që, sipas tyre, po rrezikojnë seriozisht Lumit të Currajve, një zonë e njohur si atraksion turistik dhe pasuri natyrore e rëndësishme. Ata shprehen të revoltuar edhe ndaj përdorimit të termit “përrua” për këtë lumë, duke theksuar se kjo “ul vlerat e tij dhe shtrembëron një të vërtetë të madhe”, se bëhet fjalë për një pasuri të çmuar jo vetëm për zonën, por për gjithë Shqipërinë. Banorët paralajmërojnë se lumi po cënohet nga projektet e betonizimit dhe ndërtimi i disa digave, duke ngritur shqetësimin për dëmtimin e ekosistemit dhe potencialit turistik të zonës.