Në emisionin “The Elite Way” me Elita Rudi, DJ Bujaka, ish-finalist i “Ferma VIP”, ka folur për përvojën e tij në fermë, jetën personale dhe familjen.

Gjatë intervistës, ai ka ndarë edhe detaje për marrëdhënien me bashkëshorten e tij.

Bujaka ka thënë se ajo nuk ishte si femrat e tjera që kishte njohur ndër vite. Ai ka treguar se në kohën kur e kishte njohur bashkëshorten, me të cilën tashmë ka edhe fëmijë, ishte në një periudhë kur dëshironte të largohej nga lidhjet e shumta dhe jeta e natës. 

Në këtë rrëfim, ai ka folur për ndryshimin e stilit të jetës dhe për periudhën kur vendosi t’i kushtonte më shumë rëndësi një jete më të qetë dhe familjes.