Një takim mes hip-hop artistit të njohur Noga dhe ministrit të Punëve të Brendshme të Kosovës, Xhelal Sveçla, ka tërhequr vëmendje në rrjetet sociale.

Noga ka publikuar një fotografi nga zyra e ministrit Sveçla, ku shfaqet së bashku me të, ndërsa në përshkrimin e fotografisë shkruan: “Në zyrë me Ministrin e Brendshëm të policisë së Kosovës, mikun e familjes”.

Në fotografi, dyshja shfaqet në një ambient institucional, ndërsa në sfond janë flamujt e Kosovës dhe Shqipërisë.

Noga, emri i vërtetë Agon Abdullahu, është një artist i njohur i skenës hip-hop në Kosovë dhe Shqipëri. Ai u bë veçanërisht i njohur gjatë viteve 2010, ndërsa është i njohur edhe për bashkëpunimet e tij me emra të njohur të muzikës shqiptare.

Për momentin nuk janë bërë të ditura detaje të tjera për arsyen e takimit apo temat e diskutuara mes Nogës dhe Sveçlës.

Megjithatë, vetë përshkrimi “miku i familjes” i përdorur nga reperi ka tërhequr vëmendje, duke e bërë fotografinë të komentohet në rrjetet sociale.